Babban Janar na Rundunar Tsakiya ta Amurka, Michael "Erik" Kurilla, yana fuskantar bincike daga bangaren Sashen Binciken Laifuka na Soji (CID) saboda zargin ture wani jami’in soji a yayin ziyarar da ya yi zuwa Gabas ta Tsakiya kwanan nan, in ji wasu jami’ai guda uku da suka shaida batun ga NBC News.
Bayanin ya nuna cewa jirgin ya gamu da matsalolin sadarwa da na kayan aiki, wanda ya haifar wa Kurilla da damuwa sosai. Hakan ya sa ya fusata ya kuma ture jami’in wanda ya bukaci ya zauna cikin natsuwa tare da sanya abin daure kujera.
Sashen CID, wanda ake cewa kungiya ce mai zaman kanta da ke gudanar da bincike kan aikata laifi, ta bayyana cewa tana gudanar da bincike kan lamarin, ba tare da bayar da karin bayani ba.
Ba a tabbatar ba ko Kurilla za a iya cire shi ko kuma dakatar da shi daga mukaminsa yayin da ake jiran sakamakon binciken. A halin yanzu, yana nan a kan mukaminsa.