Kungiyar al-Nujaba ta kasar Iraki ta sanar da cewa, za ta mayar da martani ga Isra'ila ta hanyar harba makamai masu linzami da jirage marasa matuka a cikin yankunan da ta mamaye a matsayin mayar da martani ga sababbin abubuwan da yahudawan sahyuniya suka yi kan dakarun kungiyar gwagwarmayar Musulunci a Damascus.
A cikin wata sanarwa da ta fitar, kungiyar al-Nujaba Islamic Resistance Movement ta kasar Iraki ta sanar da cewa, gwamnatin 'yan mulkin mallaka ta sahyoniyawan ta rusa wani ginin al'adu da kafofin watsa labarai da ke da alaka da kungiyar al-Nujaba a babban birnin kasar Siriya, wanda ya yi sanadiyar mutuwar yara da mata da fararen hula da ba su ji ba ba su gani ba.
Sanarwar ta kara da cewa, "Wannan gwamnatin ta ci gaba da zalunci, rashin tausayi da girman kai tare da kai hari kan wani ginin al'adu da yada labarai da ke aiki don fallasa abubuwan da suka faru da laifukan cin zarafin bil'adama."
Da yake mayar da martani kan wannan sabuwar kasada ta yahudawan sahyoniya, al-Nujaba tayi gargadin cewa, ko shakka babu wannan laifin ba zai wuce ba tare da hukunta shi ba, kuma jiragenmu marasa matuka zasu dandana maku kalaman mu da ayyukanmu, kuma sun san da kyau inda makamin mu suka kai da yardar Allah, amsar wannan laifi tana da zurfi a cikin yankunan da aka mamaye".