Kasar Mexico ta shigar da Bukatar ta ga Kotun Kasa da kasa (ICJ) don shiga shari'ar kisan gillar da "Isra'ila" ke yi a Gaza.
Mexico ta nuna cewa tana son "gabatar da ra'ayinta game da tanade-tanaden Yarjejeniyar da ta dace da lamarin".
Bukatar kasar Mexico na shiga tsakanin ta dogara ne akan sashe na 63 na dokar kotun, wanda ya ce duk wani rattaba hannu kan yarjejeniyar kisan kare dangi za'a iya shiga cikin shari'ar domin yarjejeniya ce ta kasa da kasa wacce ta shafi dukkan bangarori.
Ta kara da cewa dokar ba wai kawai ta haramta kisan jama'a ba, har ma da manyan ayyuka da suka hada da nufin lalata, gaba daya ko wani bangaren, kasa, kabila, launin fata ko addini da kuma toshe hanyar samun taimakon agaji da gangan, da kuma lalata al’adun gargajiya, duk ka nin su za'a yi la'akari da su a cikin lamarin.
Yayin da kasashe irin su Colombia, Nicaragua da Libya suma suka bayyana aniyar shiga shari'ar, inda Belgium, Masar, Ireland, Maldives da Turkiyya suka bayyana aniyarsu ta yin hakan, har yanzu ba a san ko za'a amince da bukatar Mexico na shiga tsakani ba.
Afirka ta Kudu ta shigar da karar kisan kiyashi kan "Isra'ila" a watan Disamba na 2023, inda ta bayyana a cikin aikace-aikacen ta cewa hare haren "Isra'ila" a Gaza "na kisan kare dangi ne, saboda sunyi niyyar lalata wani bangare na Falasdinu na kasa da kuma kabilanci.
A ranar 10 ga watan Mayu, ta kuma bukaci kotun ta ICJ da ta umurci "Isra'ila" da ta dakatar da yakin bayan kutsen da aka yi a Rafah wanda ya tilastawa mutane fiye da 800,000 tserewa.
A ranar 24 ga Mayu, ICJ ta umurci “Isra’ila” da ta dakatar da kai hare-hare a Rafah, sannan ta bada hanyar da za'a kai kayan jin kai, da ba da dama ga hukumar ta duniya tayi bincike akan kisan kare dangin.