Kungiyar Hizbullah ta kasar Labanon ta sake kai hari kan taron sojojin yahudawan sahyuniya a arewacin kasar Falasdinu da ta mamaye.
A cikin wata sanarwa da ta fitar a jiya Laraba, kafar yada labaran yaki ta Hizbullah ta tabbatar da harin da aka kai a yankin arewacin kasar Falasdinu da ta mamaye.
A cewar wannan sanarwa, bayan sanya ido kan motsin sojojin yahudawan sahyoniya a Beyaz Belida, mayakan Hizbullah sun kai musu hari da manyan bindigogi.
A ranar Talatar da ta gabata ce kungiyar Hizbullah ta kasar Labanon ta kai hari kan wani sansanin sojojin yahudawan sahyuniya da ke arewacin kasar Falasdinu da ta mamaye da wani makami mai linzami.
Hezbollah ta sanar a ranar Talata cewa ta kai hari tare da lalata sansanin sojin Ramiya da ke arewacin Falasdinu da ta mamaye kusa da kan iyakar Lebanon.
A cewar wannan bayanin, an lalata gidaje 130 daga cikin 155 a matsugunan yahudawan sahyoniya a yankin Qiryat Shemona sakamakon hare-haren rokoki na kungiyar Hizbullah.