Jagoran Juyin Juya Halin Musulunci, Ayatollah Seyyed Ali Khamenei, ya jagoranci sallar jana’izar wasu fitattun alƙalan ƙasar Iran biyu da aka kashe a wani harin ta’addanci a birnin Tehran.
Alƙalan da aka kashe su ne Ali Razini, shugaban reshen 39 na Kotun Ƙoli, da Mohammad Moqiseh, shugaban reshen 53. An kashe su ne a wani hari na ta’addanci a ginin Kotun Ƙoli da ke tsakiyar birnin Tehran a ranar Asabar.
Alƙalan suna aiki kan shari’o’in da suka shafi laifukan da ke barazana ga tsaron ƙasa, leƙen asiri, da ta’addanci.
Isra’ila: An sako Falasɗinawa 90 da aka yi garkuwa da su a cikin shirin tsagaita wuta na Gaza
A ranar Lahadi, Ayatollah Khamenei ya gudanar da jana’izar addini kan Jikunan alƙalan biyu a Imam Khomeini Huseinyeh da ke birnin Tehran.
Da yake magana da iyalan shahidan biyu, Jagoran ya ce Razini da Moqiseh sun yi babban ƙoƙari a rayuwarsu, don haka sun cancanci lada daga Allah da kuma shahada.
A cikin saƙonsa na ranar Asabar, Ayatollah Khamenei ya bayyana Razini a matsayin masani mai ƙwazo, yayin da ya bayyana Moqiseh a matsayin jarumi, tare da miƙa ta’aziyyarsa ga iyalan mamatan kan wannan rashi mai raɗaɗi.